စစ်တွေမြို့၊ ဆင်ကူးလမ်းရပ်ကွက်တွင် မူးယစ်ဆေးဝါးများနှင့်အတူ တရားခံတစ်ဦး ဖမ်းဆီးရမိ
=================
မတ် ၂၃၊
စစ်တွေမြို့၊ ဆင်ကူးလမ်းရပ်ကွက်၊ ဆေးရုံလမ်းသွယ်(၂)နေ ထွန်းလှမောင် (၅၃)နှစ်၊ (ဘ)ဦးအောင်ချမ်းဖြူသည် မူးယစ်ဆေးဝါးရောင်းချနေကြောင်း သိရှိရသဖြင့် ယမန်နေ့ မွန်းလွဲ ၂ နာရီခွဲခန့်က ၎င်း၏နေအိမ်အတွင်း ဝင်ရောက်ဖမ်းဆီးခဲ့ရာ မူးယစ်ဆေးဝါးများနှင့်အတူ တရားခံအား ဖမ်းဆီးရမိခဲ့ကြောင်း သိရသည်။
ဖမ်းဆီးရမိ မူးယစ်ဆေးဝါးများမှာ WY/Rစာတမ်းပါ စိတ်ကြွရူးသွပ်ဆေးပြား ၂၂၆၂ဝ ပြား၊ 88 နှင့် 1 စာတမ်းပါ စိတ်ကြွရူးသွပ်ဆေးပြား ၇၈ဝဝ ပြား၊ ICE ၃ဝဝ ဂရမ်၊ စုစုပေါင်းကာလတန်ဖိုး ၆၆၈၄ဝဝဝဝ ကျပ်ဖြစ်ပြီး တရားခံအား မူးယစ်ဆေးဝါးအက်ဥပဒေပုဒ်မဖြင့် အမှုဖွင့်အရေးယူထားကြောင်း သိရှိရသည်။