𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴥𐴡𐴓𐴔𐴝𐴕 𐴃𐴟𐴣𐴖𐴥𐴝𐴣𐴌𐴝𐴌 𐴊𐴠𐴐𐴢 𐴀𐴝𐴌𐴑𐴝𐴕𐴱𐴱

 

𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴥𐴡𐴓𐴔𐴝𐴕 𐴃𐴟𐴣𐴖𐴥𐴝𐴣𐴌𐴝𐴌 𐴊𐴠𐴐𐴢 𐴀𐴝𐴌𐴑𐴝𐴕𐴱𐴱

𐴀𐴠𐴑 𐴊𐴠𐴐𐴤𐴡𐴌 𐴔𐴝𐴕𐴟𐴥𐴙𐴐𐴢 𐴀𐴥𐴡𐴘 𐴕𐴥𐴝𐴘 𐴑𐴞𐴘𐴝 𐴔𐴞𐴓𐴢 𐴔𐴟𐴇𐴥𐴝𐴁𐴧𐴡𐴤𐴃𐴢 𐴀𐴝𐴊𐴡𐴌 𐴊𐴡𐴘𐴝 𐴕𐴥𐴝𐴘 𐴃𐴟𐴣𐴖𐴥𐴝𐴣𐴌𐴝𐴌 𐴊𐴞𐴓𐴡𐴃𐴢 𐴁𐴤𐴝𐴘𐴧𐴝𐴙𐴕 𐴈𐴝𐴏𐴥𐴡𐴃𐴢 𐴕𐴡 𐴌𐴝𐴙𐴑𐴧𐴡𐴤 𐴃𐴟𐴣𐴖𐴥𐴝𐴣𐴌𐴝𐴌 𐴊𐴞𐴓𐴡𐴃𐴢 𐴉𐴡𐴌𐴡𐴥𐴌 𐴊𐴠𐴐𐴤𐴡𐴃𐴢 𐴃𐴤𐴝𐴑𐴡 𐴁𐴤𐴝𐴘𐴧𐴝𐴙𐴕 𐴖𐴡𐴃𐴤𐴡𐴕𐴧𐴝𐴕 𐴉𐴥𐴠𐴓𐴝𐴘𐴱𐴱

𐴌𐴟𐴇𐴝𐴙𐴚𐴒𐴙𐴝 𐴑𐴡𐴗𐴔 𐴁𐴡𐴘𐴊𐴠𐴐𐴤𐴡𐴃𐴢 𐴎𐴝𐴘 𐴊𐴤𐴟𐴑𐴧𐴠 𐴊𐴞𐴕 𐴈𐴝𐴍𐴝𐴘𐴢 

𐴁𐴟𐴌𐴝𐴈𐴥𐴝𐴔 𐴕𐴡 𐴒𐴡𐴙𐴅𐴧𐴟𐴤𐴔 𐴁𐴤𐴝𐴘𐴧𐴝𐴙𐴕 𐴉𐴡𐴌𐴡𐴌 𐴊𐴠𐴐𐴤𐴡𐴃𐴢 𐴎𐴝𐴘𐴢

𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴥𐴡𐴓𐴔𐴝𐴕 𐴁𐴠𐴒𐴧𐴟𐴤𐴕 𐴀𐴠𐴑 𐴔𐴝𐴦𐴣𐴌 𐴉𐴠𐴍𐴡𐴌 𐴁𐴤𐴝𐴘 𐴀𐴥𐴝𐴙𐴁𐴢 𐴊𐴠𐴑𐴞𐴓𐴥𐴠 𐴒𐴟𐴉𐴡𐴕 𐴌𐴝𐴙𐴑𐴧𐴡𐴤  𐴀𐴞𐴘𐴝𐴕 𐴌𐴝𐴑𐴞𐴘𐴡𐴥 𐴔𐴡𐴕𐴥𐴡𐴃𐴢 

𐴀𐴝𐴊𐴡𐴌 𐴊𐴡𐴘𐴝 𐴕𐴥𐴝𐴘 𐴃𐴟𐴣𐴖𐴥𐴝𐴣𐴌𐴝𐴌 𐴊𐴞𐴓𐴡𐴃𐴢 𐴁𐴤𐴝𐴘𐴧𐴝𐴙𐴕 𐴈𐴝𐴏𐴡𐴥𐴃𐴢 𐴕𐴡 𐴌𐴝𐴙𐴑𐴧𐴡𐴤 𐴃𐴟𐴣𐴖𐴥𐴝𐴣𐴌𐴝𐴌 𐴊𐴞𐴓𐴡𐴃𐴢 𐴁𐴤𐴝𐴘𐴧𐴝𐴙𐴕𐴱𐴱

𐴀𐴡𐴦 𐴌𐴟𐴇𐴝𐴙𐴚𐴒𐴙𐴝 𐴁𐴤𐴝𐴘𐴧𐴝𐴙𐴕 𐴃𐴟𐴣𐴖𐴥𐴟𐴣𐴌𐴝 𐴈𐴝𐴌 𐴈𐴡𐴃𐴤𐴝 𐴊𐴤𐴡𐴌𐴞 𐴑𐴡𐴗𐴔𐴡𐴌𐴥𐴠 𐴎𐴟𐴓𐴥𐴟𐴔 𐴒𐴡𐴌𐴥𐴡𐴌 𐴄𐴞𐴛𐴝𐴌 𐴓𐴟𐴁𐴤𐴡𐴃𐴢{𐴓𐴝𐴓𐴏𐴞𐴥𐴃𐴢} 𐴉𐴡𐴌𐴥𐴞 𐴁𐴠𐴙𐴔𐴝𐴕 𐴀𐴦𐴡𐴓𐴠 𐴄𐴞𐴛𐴝 𐴈𐴥𐴝𐴁𐴤𐴝𐴘 𐴏𐴝𐴓𐴥𐴝𐴑𐴤𐴞 𐴒𐴡𐴌𐴥𐴞 𐴌𐴟𐴇𐴝𐴙𐴚𐴒𐴙𐴝 𐴑𐴡𐴗𐴔 𐴁𐴤𐴞𐴘𐴝𐴒𐴧𐴟𐴤𐴕𐴡𐴌𐴥𐴠 𐴉𐴥𐴠𐴓𐴝𐴘𐴁𐴤𐴡 𐴔𐴝𐴌𐴥𐴞 𐴊𐴤𐴟𐴑𐴧𐴡𐴌 𐴐𐴤𐴡𐴔𐴡𐴃𐴢 𐴉𐴠𐴌𐴠𐴐𐴝𐴕𐴥𐴞 𐴕𐴡 𐴊𐴞𐴘𐴥𐴡𐴌𐴥𐴠 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴢 𐴀𐴝𐴊𐴡𐴌 𐴊𐴡𐴘𐴝 𐴕𐴥𐴝𐴘 𐴃𐴟𐴣𐴖𐴥𐴝𐴣𐴌𐴝𐴌 𐴊𐴞𐴓𐴥𐴡𐴃𐴢 𐴁𐴤𐴝𐴘𐴧𐴝𐴙𐴕 𐴈𐴝𐴏𐴥𐴡𐴃𐴢 𐴕𐴡 𐴌𐴝𐴙𐴑𐴧𐴡𐴤 𐴃𐴟𐴣𐴖𐴥𐴝𐴣𐴌𐴝𐴌 𐴊𐴞𐴓𐴥𐴡𐴃𐴢 

𐴀𐴥𐴠 𐴊𐴟𐴕𐴞𐴘𐴝𐴘 𐴃𐴞𐴃𐴤𐴝 𐴀𐴥𐴡𐴘𐴧𐴠 𐴌𐴟𐴇𐴝𐴙𐴚𐴒𐴙𐴝 𐴑𐴡𐴗𐴔𐴡𐴃𐴧𐴟𐴤 𐴁𐴠𐴕𐴝 𐴊𐴟𐴐𐴤𐴠 𐴀𐴝𐴙𐴆𐴧𐴠𐴤 𐴌𐴟𐴇𐴝𐴙𐴚𐴒𐴙𐴝 𐴕𐴞𐴎𐴡𐴌 𐴊𐴠𐴐𐴤𐴡𐴃𐴧𐴟 𐴎𐴦𐴝𐴓𐴠𐴔 𐴓𐴡𐴘 𐴉𐴟𐴣𐴖𐴥𐴝𐴙𐴅𐴧𐴙𐴤𐴝 𐴀𐴥𐴡𐴘𐴧𐴠𐴥 𐴑𐴡𐴗𐴔𐴡𐴌 𐴁𐴞𐴃𐴤𐴡𐴃𐴧𐴟 𐴌𐴟𐴇𐴝𐴙𐴚𐴒𐴙𐴝𐴌𐴥𐴠 𐴐𐴤𐴠𐴐𐴢 𐴒𐴡𐴌𐴥𐴞𐴃𐴤𐴡 𐴀𐴥𐴠 𐴊𐴟𐴕𐴞𐴘𐴝𐴘𐴌𐴃𐴧𐴟𐴤 𐴀𐴠𐴑 𐴀𐴥𐴡𐴘 𐴎𐴦𐴡 𐴒𐴤𐴡𐴘 𐴁𐴤𐴝𐴘𐴧𐴝𐴙𐴕 𐴎𐴝𐴘 𐴁𐴤𐴡𐴓𐴧𐴝 𐴀𐴝𐴌𐴑𐴝𐴕𐴡𐴃𐴢𐴱𐴱

𐴀𐴝𐴊𐴡𐴌 𐴊𐴡𐴘𐴝 𐴕𐴥𐴝𐴘 𐴃𐴟𐴣𐴖𐴥𐴝𐴣𐴌𐴝𐴌 𐴊𐴞𐴓𐴡𐴃𐴢 𐴁𐴤𐴝𐴘𐴧𐴝𐴙𐴕 𐴈𐴝𐴏𐴥𐴡𐴃𐴢 𐴕𐴡 𐴌𐴝𐴙𐴑𐴧𐴡 𐴃𐴟𐴣𐴖𐴥𐴝𐴣𐴌𐴝𐴌 𐴊𐴞𐴓𐴡𐴃𐴢 

𐴔𐴝𐴌𐴝 𐴔𐴝𐴌𐴞 

𐴈𐴝𐴍𐴥𐴝 𐴈𐴝𐴍𐴥𐴞 𐴈𐴡𐴙𐴅𐴧𐴙𐴤𐴝 𐴉𐴥𐴡𐴎𐴧𐴝𐴃𐴢 𐴑𐴤𐴟𐴕𐴝 𐴑𐴤𐴟𐴕𐴞 𐴒𐴡𐴌𐴥𐴞 𐴎𐴞𐴁𐴤𐴡𐴕 𐴕𐴡 𐴊𐴞𐴘𐴡 𐴁𐴡𐴌𐴁𐴤𐴝𐴃𐴢 𐴔𐴡𐴕𐴥𐴡𐴌 𐴁𐴞𐴃𐴤𐴡𐴌 𐴉𐴠𐴣𐴏𐴢 𐴌𐴝𐴑𐴤𐴞 𐴕𐴡 𐴑𐴟𐴣𐴌𐴞𐴘𐴡 𐴒𐴝𐴣𐴃𐴢 

𐴑𐴡𐴗𐴔𐴡𐴌 𐴓𐴧𐴝 𐴁𐴤𐴝𐴓𐴝𐴘 𐴒𐴡𐴌𐴥𐴞 𐴁𐴝𐴌𐴝𐴘 𐴊𐴡𐴀𐴡𐴕𐴝 𐴈𐴥𐴝𐴃𐴢 𐴀𐴠𐴑 𐴔𐴝𐴦𐴣𐴌 𐴉𐴟𐴖𐴝𐴌 𐴔𐴡𐴃𐴤𐴡𐴕 𐴃𐴤𐴝𐴑𐴞𐴓𐴠 𐴃𐴝𐴀𐴝𐴘𐴁𐴝 𐴐𐴤𐴟𐴑𐴧𐴡𐴃𐴢 

𐴀𐴝𐴊𐴡𐴌 𐴊𐴡𐴘𐴝 𐴕𐴥𐴝𐴘 𐴃𐴟𐴣𐴖𐴥𐴝𐴣𐴌𐴝𐴌 𐴊𐴞𐴓𐴥𐴡𐴃𐴢 𐴁𐴤𐴝𐴘𐴧𐴝𐴙𐴕 𐴈𐴝𐴏𐴥𐴡𐴃𐴢 𐴁𐴤𐴟𐴒𐴎𐴝 𐴕𐴡 𐴌𐴝𐴙𐴑𐴧𐴙𐴡 𐴊𐴞𐴓𐴥𐴡𐴃𐴢 𐴁𐴝𐴤𐴘𐴧𐴠 𐴁𐴝𐴤𐴘𐴧𐴠 𐴃𐴡𐴀𐴡𐴣𐴐𐴤𐴝 𐴊𐴝𐴠𐴈𐴥𐴝𐴘 𐴓𐴝𐴁𐴑𐴞 𐴀𐴥𐴡𐴘𐴁𐴡 𐴌𐴟𐴇𐴝𐴙𐴚𐴒𐴙𐴝𐴌𐴥𐴠 𐴃𐴤𐴠𐴐𐴠 𐴌𐴥𐴝𐴘𐴁𐴡 𐴔𐴝𐴕𐴥𐴟𐴙𐴐𐴢 𐴈𐴝𐴣𐴐𐴞𐴁𐴤𐴡 𐴁𐴤𐴝𐴓𐴝 𐴉𐴡𐴣𐴃𐴤𐴡𐴃𐴢 𐴀𐴥𐴝𐴘𐴧𐴡 𐴁𐴤𐴝𐴘𐴧𐴝𐴙𐴕 𐴁𐴡𐴊𐴡𐴓𐴥𐴝𐴘 𐴉𐴥𐴠𐴓𐴡 𐴈𐴥𐴝𐴏𐴞𐴘𐴥𐴡𐴃𐴢𐴱𐴱

𐴀𐴝𐴊𐴡𐴌 𐴊𐴡𐴘𐴝 𐴕𐴥𐴝𐴘 𐴃𐴟𐴣𐴖𐴥𐴝𐴣𐴌𐴝𐴌 𐴊𐴞𐴓𐴥𐴡𐴃𐴢 𐴁𐴤𐴝𐴘𐴧𐴝𐴙𐴕 𐴈𐴝𐴏𐴥𐴡𐴃𐴢 𐴕𐴡 𐴌𐴝𐴙𐴑𐴧𐴤𐴡 𐴃𐴟𐴣𐴖𐴥𐴝𐴣𐴌𐴝𐴌 𐴊𐴞𐴓𐴥𐴡𐴃𐴢 𐴌𐴟𐴇𐴝𐴙𐴚𐴒𐴙𐴝 𐴑𐴡𐴗𐴔 𐴁𐴠𐴒𐴧𐴟𐴤𐴕 𐴔𐴞𐴓𐴞 𐴒𐴡𐴌𐴥𐴡 𐴂𐴥𐴡𐴀𐴡𐴃𐴞𐴁𐴤𐴝𐴃𐴢 𐴀𐴝𐴓𐴧𐴝𐴇𐴌 𐴈𐴡𐴑𐴟𐴔 𐴀𐴝𐴌𐴑𐴝𐴕 𐴊𐴤𐴠𐴐𐴧𐴝𐴕 𐴀𐴡𐴘𐴁𐴡𐴌𐴥𐴠 𐴀𐴝𐴎𐴝𐴃𐴢 𐴎𐴝𐴘 𐴉𐴝𐴌𐴥𐴞𐴁𐴤𐴝 𐴈𐴡𐴕𐴥𐴡 𐴀𐴠𐴑 𐴊𐴞𐴕 𐴁𐴝𐴉𐴢 𐴊𐴝𐴊𐴝𐴌 𐴁𐴞𐴍𐴥𐴝𐴃𐴢 

𐴀𐴝𐴓𐴧𐴝𐴇𐴌 𐴈𐴝𐴏𐴥𐴠 𐴑𐴡𐴗𐴔𐴡𐴌 𐴓𐴧𐴝 𐴒𐴡𐴌𐴥𐴡 𐴔𐴟𐴕𐴝𐴅𐴝𐴃𐴢 𐴀𐴠𐴓𐴥𐴡𐴔 𐴇𐴦𐴝𐴏𐴠𐴓𐴢 𐴒𐴡𐴌𐴥𐴞 𐴁𐴠𐴒𐴧𐴟𐴤𐴕 𐴀𐴥𐴝𐴘𐴡𐴌𐴠 𐴁𐴤𐴝𐴓𐴝 𐴉𐴡𐴣𐴃𐴤𐴡𐴃𐴢 

𐴀𐴝𐴊𐴡𐴌 𐴊𐴡𐴘𐴝 𐴕𐴥𐴝𐴘 𐴃𐴟𐴣𐴖𐴥𐴝𐴣𐴌𐴝𐴌 𐴊𐴞𐴓𐴥𐴡𐴃𐴢 𐴁𐴤𐴝𐴘𐴧𐴝𐴙𐴕 𐴈𐴝𐴏𐴥𐴡𐴃𐴢 𐴕𐴡 𐴌𐴝𐴙𐴑𐴧𐴡𐴤 𐴃𐴟𐴣𐴖𐴥𐴝𐴣𐴌𐴝𐴌 𐴊𐴞𐴓𐴥𐴡𐴃𐴢𐴱𐴱