𐴈𐴡𐴍𐴥𐴠 𐴎𐴝𐴘𐴃𐴝𐴔 𐴈𐴝𐴌𐴠𐴥 𐴈𐴥𐴡𐴘𐴃𐴝𐴔 𐴁𐴟𐴎𐴞𐴤 𐴕𐴡𐴉𐴝𐴌𐴥𐴞𐴌 𐴈𐴡𐴕𐴧𐴗𐴥𐴝 𐴈𐴡𐴍𐴥𐴠 𐴒𐴞𐴘𐴥𐴡𐴘 𐴀𐴝𐴓𐴧𐴝𐴇𐴢 𐴁𐴤𐴟𐴎𐴞 𐴕𐴡𐴉𐴝𐴌𐴥𐴞𐴌

 

𐴈𐴡𐴍𐴥𐴠 𐴎𐴝𐴘𐴃𐴝𐴔 𐴈𐴝𐴌𐴠𐴥 𐴈𐴥𐴡𐴘𐴃𐴝𐴔 𐴁𐴟𐴎𐴞𐴤 𐴕𐴡𐴉𐴝𐴌𐴥𐴞𐴌

𐴈𐴡𐴕𐴧𐴗𐴥𐴝 𐴈𐴡𐴍𐴥𐴠 𐴒𐴞𐴘𐴥𐴡𐴘 𐴀𐴝𐴓𐴧𐴝𐴇𐴢 𐴁𐴤𐴟𐴎𐴞 𐴕𐴡𐴉𐴝𐴌𐴥𐴞𐴌

𐴔𐴦𐴝𐴣𐴌 𐴑𐴟𐴓𐴧𐴝𐴕 𐴈𐴥𐴝𐴌𐴝𐴘 𐴉𐴠𐴓𐴥𐴞 𐴁𐴝𐴉𐴡𐴌 𐴈𐴡𐴕𐴥𐴡 𐴈𐴥𐴡𐴁𐴡𐴌 𐴕𐴥𐴝𐴘

 𐴉𐴝𐴌𐴝𐴙𐴓𐴧𐴝 𐴁𐴤𐴝𐴘𐴝𐴙𐴕 𐴈𐴡𐴍𐴥𐴠 𐴒𐴞𐴘𐴥𐴡𐴘 𐴑𐴠𐴏𐴧𐴟𐴥 𐴈𐴥𐴡𐴁𐴡𐴌 𐴕𐴥𐴝𐴘 

 𐴁𐴝𐴉𐴢 𐴊𐴝𐴊𐴝 𐴁𐴤𐴝𐴘𐴧𐴝𐴙𐴕 𐴁𐴤𐴡𐴙𐴕𐴝𐴙𐴕 𐴃𐴟𐴖𐴥𐴝𐴘 𐴕𐴥𐴡𐴉𐴝𐴌𐴥𐴞

𐴈𐴡𐴕𐴧𐴗𐴥𐴝 𐴈𐴡𐴍𐴥𐴠 𐴒𐴞𐴘𐴥𐴡𐴘 𐴀𐴝𐴓𐴧𐴝𐴇𐴢 𐴁𐴟𐴎𐴤𐴞 𐴕𐴡𐴉𐴝𐴌𐴥𐴞𐴌

𐴉𐴞𐴏𐴧𐴝𐴥 𐴉𐴥𐴞𐴌𐴞 𐴏𐴝𐴀𐴝𐴘𐴓𐴠 𐴑𐴠𐴏𐴧𐴟𐴥 𐴊𐴠𐴇𐴝𐴃𐴡 𐴕𐴡𐴎𐴝𐴌

𐴀𐴝𐴒𐴠 𐴎𐴝𐴘𐴁𐴝𐴌 𐴁𐴤𐴝𐴉𐴞𐴓𐴠 𐴑𐴠𐴏𐴧𐴟𐴥 𐴒𐴡𐴔 𐴕𐴡𐴓𐴦𐴝𐴌 

𐴎𐴝𐴒𐴝 𐴎𐴡𐴁𐴞𐴕 𐴈𐴡𐴍𐴥𐴠 𐴒𐴞𐴘𐴥𐴡𐴘 𐴏𐴞𐴕𐴥𐴞 𐴕𐴡𐴉𐴝𐴌𐴥𐴞𐴌 

𐴈𐴡𐴕𐴧𐴗𐴥𐴝 𐴈𐴡𐴍𐴥𐴠 𐴒𐴞𐴘𐴥𐴡𐴘 𐴀𐴝𐴓𐴧𐴝𐴇𐴢 𐴁𐴟𐴎𐴞𐴤 𐴕𐴡𐴉𐴝𐴌𐴥𐴞𐴌 

𐴔𐴡𐴑 𐴁𐴡𐴌𐴔𐴝𐴥𐴌 𐴎𐴟𐴓𐴥𐴟𐴔𐴥𐴡𐴌 𐴈𐴡𐴓𐴡𐴃𐴢 𐴁𐴠𐴐𐴤𐴞 𐴃𐴤𐴝𐴑𐴞 𐴓𐴝𐴔

𐴊𐴤𐴡𐴕 𐴊𐴡𐴖𐴓𐴡𐴃𐴢 𐴎𐴝𐴒𐴝 𐴎𐴡𐴁𐴞𐴕 𐴈𐴝𐴌𐴥𐴝𐴘 𐴉𐴠𐴓𐴝𐴘𐴓𐴝𐴔

𐴊𐴥𐴡𐴕𐴐𐴡 𐴒𐴡𐴌𐴥𐴞 𐴉𐴥𐴠𐴓𐴝𐴌 𐴀𐴝𐴌𐴑𐴝𐴕 𐴁𐴝𐴏𐴝𐴘 𐴕𐴡𐴉𐴝𐴌𐴞𐴥𐴌

𐴈𐴡𐴕𐴧𐴗𐴥𐴝 𐴈𐴡𐴍𐴥𐴠 𐴒𐴞𐴘𐴥𐴡𐴘 𐴀𐴝𐴓𐴧𐴝𐴇𐴢 𐴁𐴟𐴎𐴤𐴞 𐴕𐴡𐴉𐴝𐴌𐴥𐴞𐴌

𐴈𐴝𐴍𐴞 𐴏𐴥𐴞𐴌𐴞 𐴉𐴥𐴥𐴠𐴓𐴝𐴘𐴊𐴠𐴌 𐴉𐴟𐴖𐴝 𐴔𐴦𐴝𐴣𐴌 𐴑𐴟𐴓𐴡𐴃𐴧𐴟𐴤 

𐴒𐴤𐴡𐴌 𐴁𐴝𐴌𐴞 𐴎𐴡𐴓𐴝𐴘 𐴎𐴡𐴓𐴝𐴘 𐴉𐴟𐴌𐴞𐴌 𐴉𐴝𐴌𐴝𐴃𐴧𐴟

𐴈𐴡𐴕𐴥𐴡 𐴔𐴞𐴑𐴧𐴝 𐴐𐴤𐴝𐴕𐴃𐴞𐴃𐴡 𐴕𐴥𐴝𐴘 𐴈𐴡𐴀𐴡𐴘𐴑𐴧𐴝 𐴕𐴡𐴉𐴝𐴌𐴥𐴞

𐴈𐴡𐴕𐴧𐴗𐴥𐴝 𐴈𐴡𐴍𐴥𐴠 𐴒𐴞𐴘𐴥𐴡𐴘 𐴀𐴝𐴓𐴧𐴝𐴇𐴢 𐴁𐴟𐴎𐴤𐴞 𐴕𐴡𐴉𐴝𐴌𐴥𐴞𐴌

𐴊𐴠𐴐𐴤𐴡𐴌 𐴈𐴦𐴝𐴓𐴡𐴃𐴢 𐴁𐴟𐴎𐴞𐴤 𐴏𐴝𐴘𐴓𐴥𐴠 𐴊𐴞𐴓𐴧𐴝𐴕 𐴒𐴟𐴎𐴡𐴌𐴞 𐴈𐴝𐴣𐴊𐴠

𐴈𐴝𐴌 𐴊𐴞𐴓𐴡𐴃𐴢 𐴑𐴞 𐴒𐴟𐴎𐴡𐴌𐴥𐴠𐴌 𐴀𐴝𐴓𐴧𐴝𐴇𐴘𐴠 𐴎𐴝𐴕𐴠

𐴔𐴦𐴝𐴣 𐴁𐴝𐴉𐴢 𐴁𐴤𐴝𐴘𐴧𐴧𐴝𐴙𐴕 𐴁𐴤𐴡𐴙𐴕𐴝𐴙𐴕 𐴏𐴥𐴝𐴌𐴝 𐴃𐴤𐴝𐴑𐴞 𐴕𐴡𐴉𐴝𐴌𐴥𐴞

𐴈𐴡𐴕𐴧𐴗𐴥𐴝 𐴈𐴡𐴍𐴥𐴠 𐴒𐴞𐴘𐴥𐴡𐴘 𐴀𐴝𐴓𐴧𐴝𐴇 𐴁𐴟𐴎𐴞𐴤 𐴕𐴡𐴉𐴝𐴌𐴥𐴞𐴌

𐴈𐴡𐴕𐴥𐴡 𐴈𐴥𐴡𐴁𐴡𐴌𐴑𐴝 𐴕𐴡 𐴓𐴡𐴀𐴡𐴌 𐴀𐴝𐴣𐴀𐴝𐴌𐴝 𐴔𐴟𐴏𐴥𐴟𐴓𐴔𐴝𐴕 𐴁𐴤𐴝𐴘𐴧𐴝𐴙𐴕𐴊𐴤𐴠

𐴐𐴤𐴟𐴑 𐴐𐴝𐴕𐴃𐴞𐴃𐴢 𐴉𐴡𐴌𐴞𐴘𐴡𐴌𐴥𐴠 𐴉𐴡𐴀𐴡𐴌𐴝𐴘 𐴉𐴥𐴠𐴓𐴝𐴘𐴞 

𐴈𐴝𐴣𐴊𐴞 𐴈𐴝𐴣𐴊𐴞 𐴁𐴤𐴟𐴎𐴝𐴘 𐴏𐴝𐴘𐴧𐴞𐴥 𐴁𐴤𐴟𐴎𐴝𐴘 𐴕𐴡 𐴉𐴝𐴌𐴥𐴞

 𐴈𐴡𐴕𐴧𐴗𐴥𐴝 𐴈𐴡𐴍𐴥𐴠 𐴒𐴞𐴘𐴡𐴥𐴘 𐴀𐴝𐴓𐴧𐴝𐴇𐴢 𐴁𐴟𐴎𐴞𐴤 𐴕𐴡 𐴉𐴝𐴌𐴥𐴞𐴌

𐴀𐴝𐴓𐴧𐴝𐴇𐴌 𐴈𐴝𐴣𐴏𐴠 𐴀𐴦𐴡 𐴁𐴤𐴝𐴘𐴧𐴝𐴙𐴕 𐴃𐴟𐴣𐴖𐴥𐴝𐴌𐴥𐴝 𐴑𐴞 𐴅𐴟𐴖𐴝𐴁𐴢 𐴊𐴞𐴁𐴝

𐴏𐴡𐴑𐴃𐴟𐴓𐴥𐴞 𐴏𐴝𐴘𐴓𐴥𐴠 𐴁𐴝𐴏𐴞 𐴕𐴡 𐴎𐴝𐴘𐴁𐴝𐴤

𐴎𐴝𐴕𐴞 𐴁𐴟𐴎𐴞𐴤 𐴏𐴝𐴀𐴝𐴘𐴑𐴝 𐴌𐴡𐴘𐴧𐴠 𐴈𐴡𐴀𐴡𐴘𐴃𐴡 𐴕𐴡𐴉𐴝𐴌𐴥𐴞 

𐴈𐴡𐴕𐴧𐴗𐴥𐴝 𐴈𐴡𐴍𐴥𐴞 𐴒𐴞𐴘𐴥𐴡𐴘 𐴀𐴝𐴓𐴧𐴝𐴇𐴢 𐴁𐴟𐴎𐴞𐴤 𐴕𐴡 𐴉𐴝𐴌𐴥𐴞𐴌

𐴒𐴝𐴀𐴝𐴌 𐴓𐴡𐴖𐴢 𐴉𐴟𐴖𐴥𐴝𐴘 𐴒𐴞𐴘𐴥𐴡𐴘 𐴏𐴡𐴑𐴡𐴌 𐴉𐴝𐴕𐴥𐴞 𐴎𐴤𐴡𐴌𐴞 𐴎𐴝𐴘 

𐴈𐴥𐴝𐴕𐴝 𐴉𐴞𐴕𐴝 𐴈𐴡𐴍𐴥𐴠 𐴒𐴞𐴘𐴥𐴡𐴘 𐴔𐴡𐴕𐴠 𐴐𐴤𐴝𐴕𐴃𐴞𐴘𐴡 𐴕𐴡𐴉𐴝𐴥𐴘

𐴖𐴦𐴡 𐴑𐴦𐴝𐴊𐴠𐴌 𐴀𐴟𐴏𐴃𐴝𐴊𐴟𐴌 𐴌𐴝𐴇𐴝𐴔𐴝𐴕

𐴖𐴦𐴡 𐴑𐴦𐴝𐴌𐴟𐴖𐴝 𐴊𐴞𐴓𐴡𐴌 𐴊𐴟𐴑𐴧𐴝𐴕 𐴊𐴠𐴈𐴥𐴝𐴘 𐴕𐴡 𐴉𐴝𐴌𐴥𐴞

𐴈𐴡𐴕𐴧𐴗𐴥𐴝 𐴈𐴡𐴍𐴥𐴠 𐴒𐴞𐴘𐴡𐴥𐴘 𐴀𐴝𐴓𐴧𐴝𐴇𐴢 𐴁𐴟𐴎𐴞𐴤 𐴕𐴡 𐴉𐴝𐴌𐴥𐴞𐴌

𐴔𐴡𐴎𐴟𐴓𐴥𐴟𐴔𐴥𐴡𐴌 𐴊𐴟𐴖𐴥𐴝 𐴀𐴝𐴓𐴧𐴝𐴇𐴢 𐴑𐴡𐴁𐴟𐴓𐴢 𐴒𐴡𐴌𐴥𐴞𐴁𐴡

𐴀𐴠𐴑 𐴊𐴞𐴕 𐴀𐴥𐴝𐴘𐴁𐴤𐴡 𐴀𐴝𐴌𐴑𐴝𐴕𐴡𐴌𐴥𐴠 𐴀𐴝𐴎𐴝𐴊𐴢 𐴒𐴡𐴌𐴥𐴞 𐴁𐴡𐴓𐴧𐴝

𐴉𐴡𐴌𐴝𐴕 𐴊𐴞𐴘𐴟𐴔 𐴀𐴝𐴌𐴑𐴝𐴕𐴡𐴌 𐴓𐴧𐴝 𐴀𐴥𐴡𐴘𐴎𐴝𐴘𐴧𐴟𐴔 𐴑𐴟𐴌𐴁𐴝𐴕

𐴀𐴝𐴌𐴑𐴝𐴕𐴡𐴃𐴢 𐴎𐴝𐴘𐴧𐴟𐴔 𐴀𐴝𐴣𐴀𐴝𐴌𐴝 𐴁𐴠𐴒𐴧𐴟𐴤𐴕 𐴔𐴟𐴏𐴥𐴟𐴓𐴔𐴝𐴕

𐴑𐴦𐴝𐴌𐴟𐴖𐴝𐴕𐴠 𐴇𐴥𐴝𐴔𐴊𐴡𐴏𐴡𐴕𐴥𐴝 𐴂𐴝𐴑𐴞𐴏𐴃𐴦𐴝𐴕𐴠 𐴕𐴡𐴅𐴟𐴖𐴥𐴝𐴕

𐴉𐴟𐴌𐴝 𐴊𐴟𐴕𐴞𐴘𐴝𐴘𐴌 𐴔𐴟𐴏𐴥𐴟𐴓𐴔𐴝𐴕 𐴀𐴝𐴣𐴀𐴝𐴌𐴝𐴌 𐴀𐴝𐴌𐴑𐴝𐴕𐴞 𐴁𐴤𐴝𐴘𐴧𐴝𐴙𐴕 

𐴊𐴟𐴖𐴥𐴝 𐴒𐴡𐴌𐴥𐴞 𐴑𐴟𐴐𐴤𐴞𐴐𐴢 𐴒𐴡𐴌𐴥𐴞𐴌 𐴏𐴞𐴕𐴃𐴝 𐴒𐴡𐴌𐴥𐴞 𐴏𐴝𐴀𐴝𐴘

𐴀𐴝𐴎𐴝𐴊𐴢 𐴀𐴥𐴡𐴘𐴁𐴡 𐴀𐴠𐴑 𐴊𐴞𐴕 𐴀𐴝𐴣𐴀𐴝𐴌𐴝𐴌 𐴐𐴤𐴟𐴕𐴝𐴓𐴞 𐴀𐴝𐴌𐴑𐴝𐴕.