𐴀𐴞𐴕𐴋𐴞𐴘𐴝𐴌 𐴎𐴞𐴘𐴧𐴡𐴓𐴡𐴃𐴢 𐴁𐴡𐴕 𐴒𐴡𐴌𐴥𐴞 𐴌𐴝𐴙𐴑𐴧𐴠𐴤𐴊𐴠 𐴷𐴵 𐴁𐴡𐴏𐴥𐴡𐴌𐴡𐴌 𐴌𐴟𐴇𐴝𐴙𐴚𐴒𐴙𐴝 𐴁𐴟𐴌𐴝 𐴁𐴠𐴍𐴞 𐴀𐴟𐴒𐴧𐴗𐴤𐴝 𐴔𐴡𐴌𐴞𐴥 𐴒𐴞𐴘𐴧𐴡𐴥𐴘𐴱𐴱

 

𐴀𐴞𐴕𐴋𐴞𐴘𐴝𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴢 𐴁𐴠𐴑𐴝𐴕𐴟𐴕𐴞 𐴁𐴡𐴕 𐴒𐴡𐴌𐴥𐴞 𐴌𐴝𐴙𐴑𐴧𐴠𐴤𐴊𐴠 𐴀𐴠𐴑𐴧𐴝𐴤𐴕 𐴎𐴞𐴘𐴡𐴓𐴢 𐴈𐴥𐴡𐴕𐴝𐴃𐴢 𐴷𐴵 𐴁𐴡𐴏𐴥𐴡𐴌𐴡𐴌 𐴁𐴟𐴌𐴝 𐴁𐴠𐴍𐴞 𐴀𐴟𐴒𐴧𐴗𐴤𐴝𐴌𐴥𐴠 𐴁𐴡𐴕 𐴒𐴡𐴌𐴥𐴞 𐴌𐴝𐴑𐴧𐴠𐴤 𐴃𐴞𐴕 𐴁𐴡𐴏𐴥𐴡𐴌 𐴁𐴦𐴝𐴊𐴠 𐴔𐴡𐴌𐴥𐴞 𐴒𐴞𐴘𐴧𐴡𐴥𐴘𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥. 𐴷𐴵 𐴁𐴡𐴏𐴥𐴡𐴌𐴡𐴌 𐴌𐴟𐴇𐴝𐴙𐴚𐴒𐴙𐴝 𐴔𐴝𐴘𐴧𐴝 𐴉𐴟𐴖𐴝 𐴓𐴝𐴓𐴥𐴟 𐴁𐴞𐴁𐴞 𐴌𐴥𐴠 𐴅𐴡𐴔𐴧𐴟𐴃𐴢 𐴀𐴝𐴏𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴓𐴧𐴝 𐴁𐴠𐴑𐴝𐴕𐴟𐴕𐴞 𐴀𐴝𐴌 𐴀𐴠𐴑𐴧𐴝𐴤𐴕 𐴎𐴞𐴘𐴧𐴡𐴓𐴢 𐴈𐴥𐴝𐴕𐴝𐴃𐴢 𐴓𐴝𐴌𐴥𐴞 𐴌𐴝𐴙𐴑𐴧𐴠𐴤𐴊𐴠 𐴇𐴥𐴠𐴍𐴠 𐴔𐴡𐴌𐴥𐴞 𐴒𐴞𐴘𐴧𐴡𐴥𐴘𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥. 𐴇𐴥𐴞𐴁𐴝𐴌𐴥𐴠 𐴲𐴰𐴲𐴱 𐴐𐴤𐴡𐴕𐴡𐴃𐴢 𐴔𐴠 𐴔𐴝𐴐𐴤𐴡𐴃𐴢 𐴁𐴡𐴕 𐴒𐴡𐴌𐴥𐴞 𐴀𐴝𐴌𐴀𐴥𐴡 𐴇𐴥𐴞𐴁𐴝𐴌 𐴉𐴟𐴖𐴝𐴌𐴥𐴠 𐴲𐴷𐴰 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴁𐴡𐴕 𐴒𐴡𐴌𐴞𐴥 𐴌𐴝𐴙𐴑𐴧𐴠𐴤𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥. 𐴇𐴥𐴠𐴍𐴠 𐴁𐴤𐴟𐴃𐴤𐴡𐴌𐴥𐴠 𐴓𐴝𐴓𐴥𐴟 𐴁𐴞𐴓𐴞 𐴐𐴤𐴡𐴀𐴡 𐴷 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴔𐴡𐴌𐴥𐴞 𐴒𐴞𐴘𐴧𐴡𐴥𐴘𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥.𐴓𐴝𐴓𐴟𐴥 𐴁𐴞𐴁𐴞 𐴐𐴤𐴡𐴀𐴡 𐴀𐴝𐴌𐴀𐴥𐴡 𐴁𐴠𐴐𐴤𐴝 𐴁𐴞𐴐𐴤𐴞 𐴈𐴡𐴊𐴞 𐴀𐴥𐴡𐴑𐴧𐴡𐴓𐴢 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴌𐴞𐴉𐴟𐴎𐴞 𐴃𐴝𐴓𐴟𐴑𐴝𐴊𐴞 ( 𐴘𐴟 𐴀𐴠𐴕 𐴀𐴠𐴙𐴐𐴢 𐴏𐴞 𐴀𐴝𐴌) 𐴌𐴡𐴌 𐴌𐴞𐴉𐴟𐴎𐴞 𐴑𐴝𐴀𐴝𐴄𐴢 𐴀𐴥𐴡𐴑𐴧𐴡𐴓𐴢 𐴀𐴝𐴏𐴠𐴥. 𐴀𐴞𐴕𐴋𐴞𐴘𐴝𐴌 𐴉𐴟𐴌𐴝 𐴊𐴠𐴐𐴤𐴡𐴃 𐴁𐴡𐴕 𐴒𐴡𐴌𐴥𐴞 𐴌𐴝𐴙𐴑𐴧𐴠𐴤𐴊𐴠 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴁𐴠𐴒𐴧𐴟𐴤𐴕𐴠 𐴶𐴷𐴶 𐴎𐴡𐴕 𐴀𐴝𐴏𐴥𐴠𐴊𐴠 𐴇𐴥𐴠𐴍𐴠 𐴁𐴤𐴟𐴃𐴡𐴌𐴥𐴠 𐴶𐴰𐴸 𐴎𐴡𐴕𐴡𐴃𐴧𐴟 𐴎𐴞𐴘𐴧𐴡𐴓𐴡𐴌 𐴏𐴥𐴝𐴣𐴎𐴝 𐴏𐴥𐴝𐴌𐴝 𐴁𐴠𐴇𐴡𐴏𐴥𐴟𐴌 𐴁𐴡𐴓𐴞 ( 𐴘𐴟 𐴀𐴠𐴕 𐴀𐴠𐴙𐴐𐴢 𐴏𐴞 𐴀𐴝𐴌)𐴌𐴥𐴠 𐴀𐴥𐴠 𐴇𐴥𐴝𐴉𐴃𐴝 𐴔𐴝𐴎𐴠𐴤 𐴈𐴡𐴘𐴧𐴠𐴥𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥𐴱𐴱