𐴁𐴝𐴚𐴓𐴝 𐴊𐴠𐴐𐴤𐴡𐴌 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴢 𐴎𐴤𐴡𐴌 𐴁𐴠𐴐𐴤𐴞 𐴀𐴥𐴡𐴘 𐴒𐴤𐴡𐴌 𐴀𐴥𐴡𐴑𐴧𐴡𐴓𐴢 𐴓𐴟𐴏𐴧𐴝𐴕 𐴀𐴥𐴡𐴘 𐴈𐴥𐴝𐴙𐴕𐴊𐴝 𐴁𐴝𐴚𐴞 𐴳 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴔𐴡𐴌𐴥𐴞 𐴒𐴞𐴘𐴧𐴡𐴥𐴘 𐴱𐴴 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴃𐴢𐴱𐴱

𐴁𐴝𐴚𐴓𐴝 𐴊𐴠𐴐𐴤𐴡𐴌 𐴑𐴡𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴃𐴢 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴱𐴴 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔 (𐴀𐴞-2) 𐴁𐴡𐴓𐴡𐴑𐴡𐴃𐴢 𐴏𐴠𐴥𐴃𐴡𐴔𐴁𐴝𐴌 𐴔𐴝𐴐𐴤𐴡𐴌 𐴱𐴳 𐴃𐴝𐴌𐴥𐴞𐴑𐴡𐴃𐴢 𐴊𐴞𐴕 𐴎𐴤𐴡𐴌 𐴁𐴠𐴐𐴤𐴞 𐴊𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 𐴳 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴈𐴥𐴝𐴙𐴕𐴊𐴝 𐴁𐴝𐴚𐴞 𐴔𐴠𐴍𐴞𐴃𐴧𐴡𐴓𐴠 𐴀𐴥𐴡𐴘 𐴔𐴡𐴌𐴥𐴞 𐴒𐴞𐴘𐴧𐴡𐴥𐴘 𐴋𐴤𐴝𐴑𐴡𐴃𐴧𐴟 𐴀𐴝𐴌𐴥𐴡 𐴴 𐴒𐴤𐴝𐴕 𐴒𐴡𐴤𐴌 𐴁𐴝𐴚𐴞 𐴒𐴞𐴘𐴧𐴡𐴥𐴘𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥. 𐴈𐴥𐴝𐴙𐴕𐴊𐴝 𐴁𐴝𐴚𐴞 𐴔𐴡𐴌𐴥𐴞 𐴒𐴞𐴘𐴧𐴡𐴥𐴘𐴊𐴠 𐴇𐴥𐴞𐴃𐴝𐴌𐴝 𐴀𐴡𐴙𐴓𐴊𐴠 𐴀𐴝𐴁𐴊𐴟 𐴌𐴥𐴡𐴇𐴞𐴔 | 𐴀𐴝𐴁𐴊𐴟𐴓𐴢 𐴇𐴥𐴝𐴉𐴠𐴎 | 𐴀𐴝𐴁𐴝𐴊𐴟𐴓𐴢 𐴖𐴝𐴇𐴠𐴥𐴊𐴢. 𐴇𐴠𐴥𐴕𐴊𐴞𐴓𐴧𐴝 𐴄𐴠𐴑𐴕𐴝𐴉𐴢 𐴀𐴠𐴓𐴝𐴑𐴝𐴌 𐴎𐴝𐴊𐴞𐴔𐴟𐴌𐴝 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴲𐴷 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴃𐴢 𐴎𐴤𐴡𐴌 𐴁𐴠𐴐𐴤𐴞 𐴊𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 𐴒𐴤𐴡𐴌 𐴀𐴥𐴡𐴑𐴧𐴡𐴓𐴢 𐴉𐴝𐴕𐴥𐴞𐴃𐴢 𐴔𐴝𐴎𐴤𐴞 𐴋𐴤𐴟𐴉𐴞 𐴎𐴝𐴘 𐴒𐴤𐴡𐴌 𐴖𐴝𐴓𐴞 𐴔𐴝𐴕𐴥𐴟𐴙𐴐𐴢 𐴀𐴥𐴡𐴑𐴧𐴡𐴓𐴡𐴃𐴧𐴟 𐴀𐴞𐴏𐴑𐴟𐴓𐴡𐴃𐴢 𐴀𐴝𐴌 𐴀𐴠𐴒𐴠𐴕𐴝 𐴒𐴟𐴐𐴧𐴞𐴤𐴌 𐴒𐴤𐴡𐴌 𐴀𐴥𐴡𐴑𐴧𐴡𐴓𐴡𐴃𐴢 𐴃𐴦𐴡𐴙𐴃𐴧𐴝 𐴏𐴥𐴝𐴀𐴝𐴌𐴝 𐴓𐴡𐴘 𐴃𐴤𐴝𐴑𐴝 𐴉𐴡𐴌𐴥𐴠𐴌 𐴁𐴡𐴓𐴞 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴌 𐴁𐴡𐴓𐴡𐴑 𐴔𐴝𐴎𐴤𐴞 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠𐴥𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥. 𐴇𐴠𐴥𐴕𐴊𐴞𐴓𐴧𐴝 𐴕𐴞𐴥𐴓𐴝 𐴀𐴠𐴓𐴝𐴑𐴝𐴌 𐴀𐴟𐴕𐴏𐴞 𐴉𐴝𐴌𐴝𐴚 𐴲𐴱 𐴓𐴡𐴔𐴁𐴡𐴤𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴢 𐴎𐴤𐴡𐴌 𐴁𐴠𐴐𐴤𐴞 𐴀𐴥𐴡𐴘 𐴉𐴝𐴀𐴝𐴌𐴡𐴃𐴧𐴟 𐴉𐴝𐴕𐴥𐴞 𐴀𐴥𐴡𐴑𐴧𐴡𐴓𐴢 𐴁𐴦𐴝𐴘 𐴀𐴝𐴀𐴝𐴘 𐴁𐴠𐴐𐴤𐴝 𐴁𐴠𐴐𐴤𐴞 𐴒𐴤𐴡𐴌 𐴀𐴥𐴡𐴑𐴧𐴡𐴓𐴢 𐴓𐴟𐴏𐴧𐴝𐴕 𐴀𐴡𐴘𐴧𐴠𐴥 𐴁𐴡𐴓𐴞 𐴀𐴟𐴕𐴏𐴞 𐴉𐴝𐴌𐴝𐴚𐴡𐴌 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠𐴥. 𐴀𐴝𐴌𐴀𐴥𐴡 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴈𐴡𐴀𐴡𐴊𐴧𐴠 𐴑𐴠𐴀𐴠𐴔 𐴇𐴥𐴞𐴀𐴝𐴕𐴡𐴃𐴢 𐴉𐴡𐴃𐴧𐴞 𐴁𐴡𐴏𐴥𐴡𐴌 𐴁𐴡𐴏𐴥𐴡𐴌 𐴉𐴝𐴕𐴞𐴥 𐴀𐴟𐴥𐴍𐴠𐴊𐴠 𐴑𐴞𐴘𐴥𐴡𐴓𐴧𐴝 𐴁𐴡𐴓𐴞 𐴈𐴡𐴘𐴓𐴠𐴥 𐴲𐴰𐴱𐴷 𐴐𐴤𐴡𐴕𐴡𐴃𐴢

𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴢 𐴀𐴝𐴀𐴝𐴘 𐴁𐴦𐴝𐴊𐴠 𐴀𐴡𐴙𐴕𐴧𐴡 𐴔𐴞𐴑𐴧𐴝𐴤 𐴃𐴝𐴑𐴞𐴤 𐴁𐴝𐴌 𐴎𐴝𐴒𐴝 𐴕𐴡𐴉𐴝𐴘 𐴀𐴟𐴕𐴏𐴞 𐴉𐴝𐴌𐴝𐴚 𐴉𐴝𐴀𐴝𐴌𐴡𐴌 𐴋𐴤𐴝𐴑𐴠 𐴏𐴥𐴡𐴌𐴝𐴌 𐴈𐴥𐴝𐴣𐴏𐴝𐴃𐴢 𐴕𐴞𐴏𐴡 𐴎𐴡𐴁𐴞𐴕𐴡𐴃𐴢 𐴃𐴝𐴑𐴝 𐴉𐴡𐴙𐴅𐴧𐴠𐴤𐴊𐴠 𐴇𐴥𐴠𐴃𐴡𐴓𐴧𐴝 𐴁𐴡𐴏𐴥𐴡𐴌 𐴁𐴡𐴏𐴥𐴡𐴌 𐴉𐴝𐴕𐴞𐴥 𐴀𐴥𐴟𐴍𐴞 𐴋𐴤𐴟𐴉𐴞 𐴎𐴝 𐴒𐴡𐴘 𐴁𐴡𐴓𐴞 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠𐴥𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥𐴱𐴱