The short biography of Rohingya scholar late Mr. Muhammad Noor

 

𐴔𐴟𐴇𐴝𐴔𐴧𐴡𐴊𐴢 𐴕𐴟𐴌

𐴀𐴟𐴒𐴧𐴗𐴤𐴝 𐴁𐴦𐴝𐴕𐴞 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴉𐴟𐴌𐴟𐴅𐴤𐴠𐴑𐴄𐴤𐴡𐴌 𐴁𐴦𐴝𐴕𐴞 𐴀𐴝𐴌 𐴀𐴦𐴝𐴛 𐴕𐴞𐴎𐴠 𐴀𐴟𐴒𐴧𐴤𐴤𐴗𐴝 𐴌𐴟𐴇𐴝𐴙𐴚𐴒𐴙𐴝 𐴕𐴟𐴌 𐴕𐴞𐴎𐴠

𐴁𐴡𐴓𐴥𐴡𐴑𐴆𐴠𐴕 𐴃𐴡𐴕𐴎𐴞𐴔𐴥𐴡𐴌 𐴖𐴡𐴌𐴠 𐴀𐴝𐴕𐴞𐴁𐴡𐴓𐴧𐴝 𐴊𐴠𐴐𐴢 𐴏𐴥𐴝𐴌𐴥𐴝 𐴔𐴝𐴙𐴕𐴐𐴤𐴡𐴌 𐴁𐴤𐴟𐴃𐴡𐴌𐴥𐴠 𐴐𐴤𐴡𐴔𐴝𐴎𐴤𐴞 𐴀𐴝𐴌 𐴔𐴝𐴓𐴞 𐴔𐴡𐴊𐴡𐴃𐴢 𐴀𐴥𐴡𐴘𐴁𐴤𐴡𐴓𐴧𐴝 . 𐴔𐴟𐴇𐴝𐴔𐴧𐴡𐴊𐴢 𐴕𐴟𐴌 𐴀𐴝𐴌𐴡𐴥 𐴀𐴟𐴒𐴧𐴤𐴗𐴝 𐴃𐴡𐴕𐴎𐴞𐴔𐴡𐴌 𐴁𐴦𐴝𐴕𐴞𐴃𐴢 𐴀𐴝𐴌 𐴋𐴝𐴘𐴌𐴥𐴠𐴑𐴄𐴤𐴡𐴌 𐴀𐴥𐴡𐴀𐴡 ، 𐴈𐴡𐴀𐴠𐴑𐴧𐴤𐴝𐴕 𐴐𐴤𐴞𐴑𐴧𐴤𐴙𐴝 𐴈𐴥𐴝𐴕𐴝𐴌 𐴀𐴝𐴌 𐴃𐴡𐴕𐴎𐴞𐴔 𐴀𐴥𐴡𐴑𐴧𐴡𐴓𐴡𐴌 𐴀𐴞𐴐𐴤𐴝𐴌𐴥𐴝 𐴒𐴤𐴡𐴌𐴥𐴡𐴘𐴧𐴝 . 𐴎𐴠𐴕𐴋𐴞𐴓𐴧𐴝 𐴕𐴠𐴑𐴞 𐴈𐴥𐴡𐴁𐴡𐴌 𐴕𐴠𐴀𐴠𐴓𐴝𐴊𐴠 𐴀𐴠𐴏𐴄𐴞𐴐𐴤𐴠𐴕 𐴎𐴞𐴁𐴤𐴝 𐴌𐴟𐴇𐴝𐴙𐴚𐴒𐴙𐴝 𐴖𐴠𐴐𐴤𐴠𐴕 𐴕𐴝𐴔 𐴓𐴡𐴘 𐴎𐴝𐴕𐴠 𐴀𐴝𐴌 (RVISION ) 𐴊𐴟𐴕𐴞𐴘𐴝𐴘 𐴀𐴝𐴒𐴝 𐴒𐴟𐴌𐴝 𐴔𐴝𐴙𐴕𐴐𐴤𐴠 𐴏𐴝𐴀𐴝 . 𐴃𐴦𐴝𐴛 𐴌𐴟𐴇𐴝𐴙𐴚𐴒𐴙𐴝 𐴑𐴟𐴕𐴞𐴉𐴝 𐴉𐴟𐴄𐴢 𐴁𐴡𐴀𐴡𐴓 𐴑𐴡𐴓𐴡𐴁𐴢 . 𐴀𐴝𐴌 . 𐴀𐴠𐴉𐴢 . 𐴏𐴞𐴌 . 𐴁𐴦𐴝𐴕𐴞 

  𐴊𐴟𐴕𐴞𐴘𐴝𐴘𐴌 𐴑𐴝𐴂𐴢 𐴑𐴤𐴠𐴓𐴝𐴘𐴁𐴤𐴡𐴊𐴠 𐴌𐴟𐴇𐴝𐴙𐴚𐴒𐴙𐴝 𐴑𐴡𐴗𐴔𐴞 𐴋𐴝𐴀𐴝𐴘 𐴀𐴥𐴞𐴏𐴥𐴝𐴁𐴠

  𐴃𐴦𐴝𐴛 𐴀𐴝𐴌𐴥𐴡 𐴑𐴡𐴗𐴔 𐴈𐴥𐴡𐴃𐴡𐴔 𐴑𐴝𐴌𐴟𐴖𐴝𐴘 𐴒𐴡𐴌𐴥𐴡𐴘𐴧𐴝𐴌 𐴏𐴥𐴡𐴁𐴟𐴃𐴢 𐴀𐴡𐴥𐴑𐴧𐴡𐴓 𐴀𐴝𐴌 𐴇𐴥𐴞𐴏𐴄𐴟𐴌𐴥𐴞𐴌 𐴀𐴥𐴡𐴑𐴧𐴡𐴓 𐴊𐴟𐴕𐴞𐴘𐴝𐴘𐴌𐴥𐴠 𐴎𐴝𐴕𐴝𐴘 𐴊𐴡𐴀𐴡𐴕 𐴌𐴟𐴇𐴝𐴙𐴚𐴒𐴙𐴝𐴌𐴥𐴠 𐴘𐴥𐴡 𐴎𐴝𐴕𐴝𐴘 𐴊𐴡𐴀𐴡𐴕  

 𐴃𐴦𐴝𐴛 𐴀𐴝𐴌𐴥𐴡 𐴌𐴟𐴇𐴝𐴙𐴚𐴒𐴙𐴝 𐴑𐴟𐴌𐴀𐴝𐴕 𐴄𐴠𐴌𐴝𐴣𐴏𐴓𐴠𐴐𐴤𐴡𐴕 𐴉𐴟𐴌𐴟𐴅𐴤𐴠𐴄𐴤𐴡𐴌 𐴁𐴦𐴝𐴕𐴞

𐴃𐴦𐴝𐴛 𐴀𐴝𐴌𐴥𐴡 𐴀𐴞𐴕𐴏𐴦𐴝𐴕𐴞𐴘𐴡𐴃𐴡𐴌 𐴉𐴞𐴀𐴥𐴞𐴓𐴡𐴃𐴢 𐴃𐴝𐴓𐴧𐴟𐴑𐴦𐴝𐴃𐴢 𐴀𐴝𐴏𐴥𐴠 𐴋𐴡𐴀𐴡𐴙𐴓𐴧𐴝 𐴁𐴡𐴋𐴡𐴙𐴓𐴧𐴝 𐴊𐴟𐴕𐴞𐴘𐴝𐴙𐴌 𐴃𐴡𐴕𐴎𐴞𐴔 𐴀𐴥𐴡𐴑𐴧𐴡𐴓𐴡𐴃𐴢 𐴈𐴝𐴔 𐴒𐴡𐴌𐴥𐴠 ، 𐴎𐴠𐴕𐴋𐴞𐴓𐴧𐴝 𐴕𐴠𐴑𐴞 (UNHCR) 𐴁𐴦𐴝𐴊𐴠 (INTERNATIONAL RED CROSS)(IOM) 𐴀𐴠𐴕𐴄𐴤𐴡𐴌 𐴕𐴝𐴐𐴕𐴝𐴓 𐴌𐴠𐴋 𐴑𐴡𐴌𐴥𐴡𐴏𐴢 𐴀𐴠𐴕𐴄𐴤𐴡𐴌 𐴕𐴝𐴐𐴕𐴝𐴓 𐴀𐴝𐴌𐴒𐴠𐴕𐴠𐴎𐴤𐴝𐴘𐴐𐴤𐴡𐴕 𐴉𐴝𐴌 𐴔𐴝𐴘 𐴒𐴠𐴌𐴠𐴐𐴤𐴝𐴕𐴡𐴌 𐴉𐴥𐴟𐴣𐴀𐴝𐴃𐴞 𐴉𐴥𐴟𐴣𐴀𐴝𐴃𐴞 𐴏𐴥𐴡𐴉𐴝𐴌𐴡𐴃𐴢 𐴀𐴦𐴡𐴓 𐴈𐴝𐴔 𐴒𐴡𐴌𐴥𐴝 𐴐𐴤𐴡𐴣𐴀𐴡  

𐴃𐴦𐴝𐴛 𐴀𐴝𐴌𐴥𐴡 𐴌𐴟𐴇𐴝𐴙𐴚𐴒𐴙𐴝 𐴎𐴟𐴁𐴝𐴕𐴡𐴌 𐴑𐴡𐴀𐴡𐴕𐴏𐴞𐴓𐴡𐴌 𐴁𐴦𐴝𐴕𐴞 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴎𐴟𐴁𐴝𐴕𐴡𐴌 𐴇𐴥𐴡𐴌𐴟𐴉𐴡𐴌𐴥𐴠 𐴑𐴡𐴔𐴂𐴞𐴘𐴟𐴄𐴝𐴌𐴥𐴡𐴃𐴢 𐴓𐴠𐴑𐴤𐴞 𐴉𐴝𐴌𐴥𐴠 𐴉𐴥𐴝𐴀𐴝𐴕 𐴒𐴡𐴙𐴅𐴧𐴤𐴙𐴠 ، 𐴌𐴟𐴇𐴝𐴙𐴚𐴒𐴙𐴝 𐴘𐴟𐴕𐴞𐴑𐴟𐴄 𐴎𐴞𐴁𐴤𐴝 𐴕𐴠𐴑𐴞 2018 𐴕𐴠𐴀𐴠𐴓𐴝𐴘 𐴊𐴞𐴀𐴞𐴓 ، 𐴘𐴟𐴕𐴞𐴑𐴟𐴄 𐴉𐴥𐴡𐴣𐴀𐴡𐴕𐴄𐴢 𐴀𐴝𐴌 𐴑𐴞𐴀𐴞𐴁𐴦𐴟𐴍𐴥𐴡𐴃𐴢 𐴀𐴝𐴙𐴕𐴧𐴙𐴠 𐴀𐴝𐴌 𐴒𐴡𐴓𐴝𐴘 𐴊𐴞𐴀𐴞𐴘𐴧𐴥𐴠 

Born to Struggle 𐴌𐴟𐴇𐴝𐴙𐴚𐴒𐴙𐴝𐴌 𐴉𐴟𐴖𐴝𐴌 𐴅𐴡𐴊𐴧𐴟 𐴅𐴟𐴇𐴥𐴟𐴊𐴢 𐴁𐴡𐴓𐴞 𐴈𐴡𐴀𐴡𐴘 𐴀𐴟𐴒𐴧𐴤𐴗𐴝 𐴑𐴞𐴃𐴝𐴁𐴢 𐴓𐴠𐴙𐴑𐴧𐴤𐴙𐴠  

𐴀𐴥𐴠 𐴕𐴝𐴔𐴡𐴥𐴌 𐴑𐴞𐴃𐴝𐴁𐴢 𐴀𐴥𐴞 𐴕𐴠𐴀𐴠𐴓𐴝𐴘𐴧𐴠 𐴊𐴠 𐴲𐴰𐴱𐴹 𐴔𐴝𐴌𐴠𐴆 .𐴃𐴦𐴝𐴛 𐴎𐴞𐴀𐴞𐴕 𐴕𐴞𐴎𐴡𐴌 𐴎𐴝𐴃𐴞 𐴎𐴞𐴁𐴡𐴕𐴡𐴌 𐴃𐴡𐴅𐴟𐴌𐴟𐴁𐴝𐴌 𐴖𐴡𐴌𐴠

𐴃𐴦𐴝𐴛𐴌 𐴀𐴝𐴌𐴥𐴡 𐴐𐴤𐴡𐴊𐴡𐴌𐴞𐴌 𐴑𐴝𐴌𐴟𐴖𐴝𐴘𐴞 𐴔𐴧𐴝𐴎𐴤𐴠 𐴋𐴝𐴄𐴝 𐴀𐴠𐴕𐴝𐴓𐴠𐴄𐴞𐴑 𐴔𐴝𐴏𐴄𐴝𐴌 𐴋𐴞𐴒𐴞𐴌𐴞 𐴇𐴥𐴝𐴏𐴥𐴠𐴓 𐴒𐴡𐴙𐴅𐴧𐴤𐴙𐴠 ، 𐴕𐴞𐴎𐴡𐴌𐴃𐴧𐴟 𐴱𐴵 𐴁𐴡𐴏𐴥𐴡𐴌𐴥𐴡𐴌 𐴀𐴡𐴌𐴥𐴡 𐴐𐴤𐴡𐴊𐴡𐴌𐴞𐴌 𐴃𐴡𐴅𐴟𐴌𐴟𐴁𐴝 𐴀𐴝𐴏𐴥𐴠 𐴁𐴦𐴝𐴊𐴠 𐴀𐴟𐴖𐴡𐴌𐴥𐴡𐴌 𐴎𐴞𐴔𐴧𐴝𐴊𐴝𐴌𐴞 𐴓𐴡𐴘 𐴔𐴞𐴓𐴠، 𐴄𐴞𐴁𐴞 𐴀𐴠𐴏𐴄𐴞𐴐𐴤𐴠𐴕𐴡𐴌𐴥𐴠 𐴏𐴡𐴓𐴡𐴘𐴧𐴝 𐴀𐴝𐴌 𐴈𐴥𐴡𐴁𐴡𐴌 𐴃𐴟𐴓𐴡𐴘𐴧𐴝 𐴀𐴝𐴌 𐴊𐴡𐴀𐴡𐴘𐴧𐴝 𐴐𐴤𐴡𐴔𐴝𐴎𐴤𐴞𐴑 𐴈𐴝𐴔 𐴒𐴡𐴌𐴥𐴡𐴘𐴧𐴝 𐴀𐴝𐴌 𐴔𐴞𐴓𐴞 𐴎𐴟𐴓𐴞 𐴃𐴝𐴑𐴤𐴡𐴘𐴧𐴝 𐴁𐴦𐴝𐴊𐴠 𐴂𐴟𐴌𐴟𐴅𐴤𐴠𐴑𐴄𐴢 𐴔𐴠𐴕𐴠𐴅𐴤𐴝𐴌 ، 𐴃𐴦𐴝𐴛 𐴀𐴝𐴌𐴥𐴡 𐴁𐴡𐴓𐴡𐴑𐴆𐴞𐴕 𐴂𐴟𐴌𐴟𐴅𐴤𐴠𐴑𐴄𐴤𐴡𐴌𐴥𐴡𐴌 𐴑𐴝𐴘𐴌𐴠𐴑𐴄𐴤𐴡𐴌 𐴀𐴥𐴡𐴀𐴡 ، 𐴀𐴠𐴕 𐴀𐴠𐴉𐴢 𐴄𐴞 ، 𐴔𐴞𐴄𐴝𐴖𐴡𐴌𐴥𐴠𐴏𐴢 ، 𐴋𐴝𐴄𐴝 𐴏𐴥𐴝𐴛𐴏𐴢، 𐴀𐴝𐴌 𐴇𐴥𐴠𐴉𐴝𐴎𐴡𐴃𐴞 𐴀𐴝𐴌 𐴀𐴝𐴔𐴝𐴕𐴡𐴃𐴞𐴌 𐴀𐴡𐴌𐴠𐴘𐴡 𐴐𐴤𐴝𐴔𐴥𐴠𐴓 𐴀𐴝𐴏𐴥𐴠، 𐴇𐴥𐴞𐴁𐴤𐴝𐴌 𐴎𐴞𐴕𐴊𐴠𐴒𐴞𐴌 𐴈𐴝𐴔 𐴁𐴠𐴒𐴧𐴟𐴤𐴕𐴡𐴃𐴧𐴟 𐴔𐴝𐴕𐴥𐴟𐴙𐴐𐴢 𐴀𐴥𐴡𐴑𐴧𐴡𐴓𐴡𐴌𐴥𐴠 𐴕𐴡𐴏𐴞𐴘𐴡𐴃𐴢 𐴀𐴝𐴌 𐴐𐴤𐴞𐴑𐴝𐴃𐴤𐴝𐴊𐴠 𐴎𐴠𐴕𐴊𐴞𐴓𐴧𐴝 𐴕𐴠𐴑𐴞 𐴕𐴞𐴎𐴡𐴌 𐴕𐴞𐴎𐴡𐴌 𐴃𐴡𐴌𐴑𐴞، 𐴀𐴝𐴌 𐴔𐴠𐴕𐴠𐴄𐴔𐴠𐴕 𐴀𐴝𐴌 𐴄𐴠𐴑𐴕𐴡𐴓𐴠𐴅𐴞، 𐴊𐴟𐴕𐴞𐴘𐴝𐴘 𐴀𐴥𐴞𐴏𐴝𐴉𐴠 𐴀𐴥𐴡 𐴀𐴝𐴌 𐴎𐴝𐴒𐴝 𐴀𐴥𐴞𐴏𐴝𐴉𐴠 𐴀𐴥𐴡، 𐴀𐴥𐴞𐴁𐴤𐴝𐴘𐴠 𐴔𐴝𐴎𐴤𐴡𐴌 𐴀𐴝𐴌 𐴉𐴟𐴑𐴡𐴌 𐴀𐴝𐴏𐴞𐴘𐴠𐴕 𐴊𐴠𐴐𐴤𐴡𐴌 𐴉𐴝𐴣𐴏𐴢 𐴋𐴡𐴀𐴡𐴙𐴓𐴧𐴝 𐴈𐴡𐴃𐴤𐴝 𐴁𐴤𐴝𐴓𐴝 𐴒𐴡𐴌𐴥𐴞 𐴎𐴝𐴕𐴠، 𐴀𐴥𐴞𐴁𐴤𐴝𐴌 𐴀𐴝𐴎𐴧𐴟 𐴀𐴥𐴡𐴑𐴧𐴡𐴓𐴡𐴌 𐴁𐴤𐴟𐴃𐴡𐴌𐴃𐴧𐴤𐴟 𐴀𐴠𐴑𐴧𐴤𐴝𐴕 𐴋𐴡𐴣𐴀𐴡𐴌 𐴀𐴝𐴎𐴧𐴟 𐴀𐴥𐴡𐴙𐴓𐴊𐴠 𐴄𐴠𐴑𐴕𐴡𐴓𐴡𐴅𐴞𐴌𐴥𐴠 𐴃𐴡𐴘𐴧𐴝𐴌𐴞 𐴓𐴡𐴘𐴧𐴡𐴌𐴥𐴠 𐴀𐴞𐴕𐴏𐴦𐴝𐴕𐴞 𐴇𐴥𐴡𐴑 𐴀𐴝𐴊𐴝𐴘 𐴒𐴡𐴌𐴥𐴡𐴕