𐴓𐴝𐴌𐴥𐴝𐴘 𐴐𐴤𐴡𐴌𐴒𐴗𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴔𐴡𐴚𐴋𐴤𐴟𐴌 𐴄𐴡𐴀𐴡𐴕𐴡𐴃𐴢 𐴊𐴤𐴡𐴌𐴔𐴥𐴡 𐴉𐴡𐴌𐴡𐴥𐴑 𐴒𐴡𐴌𐴥𐴞 𐴎𐴝𐴘𐴃𐴡 𐴕𐴥𐴡 𐴊𐴠𐴀𐴠

 

𐴔𐴡𐴚𐴋𐴤𐴟 𐴄𐴡𐴀𐴡𐴕𐴡𐴃𐴢 𐴓𐴝𐴌𐴥𐴝𐴘 𐴐𐴤𐴡𐴌𐴒𐴗𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴥𐴠 𐴊𐴤𐴡𐴌𐴔𐴥𐴡 𐴉𐴡𐴌𐴡𐴥𐴑 𐴒𐴡𐴌𐴥𐴞 𐴕𐴞𐴎𐴡𐴌 𐴒𐴤𐴡𐴌𐴡𐴃𐴢 𐴖𐴝𐴉𐴠𐴏𐴢 𐴎𐴝𐴘 𐴕𐴡𐴀𐴡 𐴊𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 𐴓𐴝𐴌𐴥𐴝𐴘 𐴐𐴤𐴡𐴌𐴒𐴗𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴢 𐴀𐴡𐴐𐴤𐴝𐴕𐴃𐴞𐴃𐴢  𐴀𐴝𐴏𐴥𐴠𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥. 𐴔𐴡𐴚𐴋𐴤𐴟𐴌 𐴌𐴥𐴠𐴑𐴧𐴗𐴤𐴝 (𐴲) 𐴓𐴝𐴌𐴥𐴝𐴘 𐴐𐴤𐴡𐴌𐴒𐴗𐴝 𐴌𐴟𐴇𐴝𐴙𐴚𐴒𐴙𐴝 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠𐴥𐴊𐴠 𐴀𐴝𐴣𐴌𐴝  𐴔𐴡𐴚𐴋𐴤𐴟𐴌 𐴄𐴡𐴀𐴡𐴕𐴡𐴃𐴢 𐴉𐴡𐴘𐴊𐴝 𐴀𐴥𐴡𐴘 𐴀𐴞𐴏𐴓𐴝𐴔 𐴊𐴤𐴡𐴌𐴔𐴥𐴡  𐴔𐴝𐴕𐴥𐴞 𐴋𐴡𐴣𐴀𐴡𐴌 𐴀𐴡𐴘𐴧𐴠𐴥. 𐴀𐴥𐴠 𐴔𐴡𐴚𐴋𐴤𐴟 𐴄𐴡𐴀𐴡𐴕 𐴀𐴥𐴞𐴀𐴝𐴕𐴡𐴌𐴥𐴠  𐴀𐴝𐴣𐴌𐴝𐴌 𐴁𐴝𐴂𐴢 𐴊𐴝𐴊𐴝 𐴘𐴠 𐴊𐴞𐴕𐴠 𐴌𐴝𐴙𐴃𐴠 𐴔𐴠𐴀𐴠𐴕𐴧𐴡𐴃𐴢 𐴒𐴡𐴌𐴥𐴞  𐴃𐴡𐴌𐴑𐴞 𐴒𐴡𐴙𐴅𐴧𐴙𐴤𐴠𐴊𐴠 𐴀𐴠𐴑𐴧𐴝𐴤𐴕 𐴎𐴝𐴒𐴝 . 𐴎𐴠𐴀𐴠 𐴎𐴝𐴒𐴝 𐴒𐴤𐴝𐴕 𐴀𐴝𐴣𐴌𐴝𐴌 𐴕𐴥𐴝𐴒𐴞 𐴈𐴝𐴍𐴝 𐴀𐴠𐴑𐴧𐴝𐴕 𐴖𐴡𐴃𐴡𐴤𐴕. 𐴀𐴠𐴥 𐴎𐴝𐴒𐴝 𐴀𐴥𐴞𐴀𐴝𐴕𐴡𐴌𐴥𐴠 𐴔𐴡𐴒𐴢 𐴁𐴝𐴒𐴞 𐴀𐴥𐴡𐴑𐴧𐴡𐴓𐴠 𐴑𐴡𐴁𐴎𐴝 𐴒𐴡𐴌𐴥𐴞 𐴁𐴦𐴝𐴊𐴠 𐴀𐴠𐴁𐴧𐴠 𐴁𐴠𐴒𐴧𐴟𐴤𐴕𐴡𐴌 𐴀𐴝𐴒𐴠 𐴁𐴡𐴋𐴧𐴞𐴤𐴏𐴢 𐴊𐴤𐴡𐴌𐴔𐴥𐴡 𐴔𐴝𐴕𐴡𐴘𐴧𐴝 𐴀𐴥𐴡𐴑𐴧𐴡𐴓𐴢 𐴕𐴞𐴎𐴡𐴌 𐴒𐴤𐴡𐴌𐴡𐴃𐴢 𐴎𐴝𐴘𐴃𐴡 𐴊𐴞𐴘𐴧𐴠𐴥. 𐴇𐴥𐴞𐴃𐴝𐴌𐴝𐴌𐴥𐴠 𐴀𐴝𐴀𐴝 𐴎𐴝𐴀𐴝 𐴒𐴡𐴙𐴃𐴧𐴡 𐴊𐴞𐴘𐴧𐴠𐴥.  𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴢 𐴕𐴞𐴎𐴡𐴌 𐴒𐴤𐴡𐴌 𐴀𐴝𐴌 𐴄𐴡𐴀𐴡𐴕𐴡𐴃𐴢 𐴎𐴝𐴘 𐴉𐴝𐴙𐴃𐴧𐴡 𐴎𐴡𐴊𐴞 𐴀𐴡𐴙𐴕𐴧𐴡 𐴈𐴡𐴕𐴥𐴡 𐴊𐴤𐴡𐴌𐴔𐴥𐴡 𐴔𐴝𐴕𐴞𐴃𐴡| 𐴀𐴠𐴈𐴡𐴥𐴕 𐴎𐴝𐴘 𐴕𐴡𐴀𐴡 𐴉𐴝𐴌𐴡𐴕𐴡𐴌 𐴔𐴝𐴥𐴕𐴞 𐴀𐴡𐴥𐴙𐴓𐴊𐴠 𐴐𐴤𐴞𐴌𐴞𐴉𐴢 𐴌𐴟𐴇𐴝𐴙𐴚𐴒𐴙𐴝  𐴀𐴥𐴡𐴑𐴧𐴡𐴓𐴢 𐴀𐴞𐴏𐴓𐴝𐴔 𐴊𐴤𐴡𐴌𐴔𐴥𐴡 𐴔𐴝𐴕𐴡𐴕𐴡𐴌 𐴎𐴡𐴌𐴞𐴘𐴝 𐴕𐴞𐴎𐴡𐴌 𐴒𐴤𐴡𐴌𐴡𐴃𐴢 𐴖𐴝𐴏𐴠𐴏𐴢 𐴀𐴠𐴈𐴡𐴥𐴕 𐴉𐴡𐴙𐴅𐴧𐴡𐴕𐴃𐴡 𐴎𐴝𐴘 𐴕𐴡𐴀𐴡 𐴉𐴝𐴌𐴥𐴠 𐴁𐴡𐴓𐴞 𐴀𐴡𐴐𐴤𐴝𐴕𐴃𐴞𐴌 𐴏𐴥𐴝𐴣𐴃𐴠 𐴈𐴡𐴘𐴧𐴠𐴥𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥. 𐴓𐴝𐴌𐴥𐴝𐴘 𐴐𐴤𐴡𐴌𐴒𐴗𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴃𐴧𐴟𐴤  𐴓𐴝𐴥𐴌𐴝𐴘 𐴉𐴥𐴡𐴃𐴝 𐴀𐴥𐴡𐴘  𐴕𐴞𐴎𐴡𐴌 𐴒𐴤𐴡𐴌𐴡𐴃𐴢 𐴖𐴝𐴉𐴠𐴏𐴢 𐴎𐴝𐴘 𐴐𐴤𐴝𐴕𐴃𐴞𐴌 𐴏𐴥𐴝𐴣𐴃𐴠 𐴃𐴝𐴑𐴤𐴞 𐴉𐴝𐴌𐴥𐴞 𐴁𐴡𐴊𐴠 𐴎𐴠𐴀𐴠  𐴀𐴝𐴐𐴤𐴠 𐴒𐴤𐴝𐴕 𐴀𐴝𐴙𐴐𐴧𐴞𐴤𐴓𐴢 𐴀𐴠𐴈𐴡𐴥𐴕 𐴇𐴥𐴠𐴀𐴠 𐴀𐴝𐴐𐴤𐴝 𐴉𐴟𐴌𐴝 𐴒𐴡𐴌𐴥𐴞 𐴕𐴡𐴀𐴡 𐴉𐴝𐴌𐴥𐴞 𐴏𐴞𐴕𐴃𐴝 𐴓𐴡𐴘 𐴊𐴞𐴓𐴡𐴌 𐴀𐴡𐴐𐴤𐴝𐴕𐴃𐴞𐴌 𐴁𐴞𐴘𐴝𐴌𐴝𐴔 𐴁𐴝𐴌𐴞 𐴎𐴝𐴌 𐴒𐴤𐴡𐴘 𐴁𐴡𐴓𐴞 𐴌𐴟𐴇𐴝𐴙𐴚𐴒𐴙𐴝 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠𐴥𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥. 𐴀𐴝𐴣𐴌𐴝 𐴀𐴝𐴌 𐴔𐴡𐴒𐴢 𐴀𐴥𐴡𐴑𐴧𐴡𐴓𐴢 𐴀𐴞𐴘𐴧𐴝𐴌 𐴀𐴝𐴒𐴠 𐴓𐴝𐴔𐴁𐴤𐴝 𐴄𐴝𐴙𐴔 𐴉𐴡𐴙𐴅𐴧𐴡𐴕𐴃𐴡 𐴐𐴤𐴝𐴕𐴃𐴞 𐴀𐴝𐴌 𐴀𐴝𐴎𐴝𐴎𐴞 𐴏𐴥𐴝𐴣𐴃𐴠 𐴀𐴝𐴙𐴐𐴧𐴞𐴤 𐴓𐴝𐴔 𐴇𐴥𐴞𐴘𐴧𐴝 𐴔𐴡𐴒𐴢 𐴀𐴥𐴡𐴑𐴧𐴡𐴓𐴠 𐴀𐴠𐴥𐴕𐴋𐴞𐴓𐴝𐴧 𐴒𐴡𐴌𐴥𐴞 𐴀𐴡𐴐𐴤𐴡𐴕𐴃𐴞 𐴕𐴡𐴀𐴡 𐴒𐴡𐴌𐴥𐴠 𐴀𐴠𐴈𐴡𐴥𐴕 𐴔𐴡𐴒𐴢 𐴀𐴥𐴡𐴑𐴧𐴡𐴓𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴥𐴠 𐴊𐴤𐴡𐴌𐴔𐴥𐴡 𐴀𐴝𐴌 𐴑𐴡𐴗𐴔 𐴉𐴡𐴌𐴡𐴥𐴑 𐴒𐴡𐴌𐴡𐴕𐴠 𐴁𐴠𐴐𐴤𐴞 𐴀𐴡𐴐𐴤𐴝𐴕𐴃𐴞𐴃𐴢 𐴀𐴝𐴏𐴥𐴠 𐴌𐴟𐴇𐴝𐴙𐴚𐴒𐴙𐴝 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠𐴥𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥. 𐴔𐴡𐴒 𐴀𐴝𐴌 𐴀𐴡𐴙𐴕𐴧𐴡 𐴊𐴤𐴡𐴌𐴔𐴥𐴡 𐴔𐴝𐴕𐴡𐴘𐴝 𐴀𐴥𐴡𐴑𐴧𐴡𐴓𐴢 𐴄𐴡𐴀𐴡𐴕𐴡𐴃𐴢 𐴎𐴝𐴘 𐴐𐴤𐴝𐴕𐴃𐴞𐴌 𐴏𐴥𐴝𐴣𐴃𐴠 𐴕𐴞𐴎𐴡𐴌 𐴊𐴤𐴡𐴌𐴔𐴥𐴝𐴌 𐴉𐴝𐴓𐴡𐴕 𐴒𐴡𐴌𐴥𐴞 𐴉𐴝𐴌𐴥𐴠𐴌. 𐴌𐴟𐴇𐴝𐴙𐴚𐴒𐴙𐴝  𐴀𐴝𐴘𐴠𐴥𐴊𐴧𐴠𐴤 𐴌𐴡𐴔𐴎𐴝𐴔 𐴔𐴝𐴐𐴤𐴡𐴃𐴢  𐴔𐴡𐴚𐴋𐴤𐴟 𐴄𐴡𐴀𐴡𐴕𐴡𐴃𐴢 𐴎𐴝𐴘 𐴕𐴞𐴎𐴡𐴌 𐴊𐴤𐴡𐴌𐴔𐴥𐴡 𐴉𐴝𐴓𐴡𐴕 𐴒𐴡𐴌𐴥𐴞 𐴉𐴝𐴌𐴥𐴞 𐴁𐴡𐴊𐴠 𐴇𐴥𐴞𐴀𐴝𐴕𐴡𐴌 𐴀𐴝𐴐𐴤𐴝 𐴕𐴥𐴝𐴘 𐴁𐴡𐴓𐴞 𐴌𐴟𐴇𐴝𐴙𐴚𐴒𐴙𐴝 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠𐴥 𐴎𐴝𐴕𐴝 𐴒𐴞𐴘𐴧𐴠𐴥