Rohingya National Anthem / Tarana

-->

𐴀𐴦𐴡 𐴔𐴡𐴖𐴓𐴝𐴕𐴝 𐴇𐴥𐴝𐴕𐴞𐴉𐴢 𐴌𐴝𐴒𐴠𐴁𐴢 𐴏𐴦𐴝𐴁𐴢 𐴃𐴟𐴣𐴖𐴥𐴝𐴣𐴌𐴠 𐴇𐴡𐴕𐴡 𐴊𐴞𐴕 𐴉𐴡𐴌𐴥𐴝𐴘 𐴕𐴡 𐴉𐴝𐴌𐴥𐴞𐴘𐴟𐴔 𐴀𐴦𐴡𐴕𐴡𐴌 𐴎𐴡𐴌𐴞𐴘𐴝 𐴀𐴝𐴣𐴀𐴝𐴌𐴝 𐴲𐴱 𐴉𐴠𐴁𐴟𐴀𐴝𐴌𐴞 𐴔𐴝𐴕𐴥𐴝𐴘 𐴉𐴝𐴀𐴝𐴌𐴞𐴌، 𐴀𐴦𐴡 𐴀𐴝𐴓𐴧𐴝𐴇 𐴀𐴝𐴣𐴀𐴝𐴌𐴝 𐴉𐴟𐴌𐴝 𐴑𐴡𐴗𐴔𐴠 𐴀𐴦𐴡𐴕𐴡𐴌 𐴇𐴝𐴣𐴏𐴥𐴠 𐴏𐴥𐴟𐴖𐴝𐴓 𐴒𐴡𐴌𐴥𐴞𐴌 𐴊𐴠 𐴀𐴝𐴣𐴀𐴝𐴌𐴝𐴌 𐴁𐴦𐴝𐴕𐴞𐴌 𐴒𐴟𐴕𐴥𐴝 𐴌𐴠 𐴔𐴝𐴉𐴢 𐴒𐴡𐴌𐴥𐴞 𐴊𐴡𐴀𐴡 𐴀𐴝𐴌 𐴅𐴡𐴕𐴧𐴡𐴃𐴡𐴌 𐴀𐴟𐴃𐴧𐴡𐴔 𐴎𐴝𐴒𐴝 𐴊𐴡𐴀𐴡𐴱𐴱

𐴀𐴝𐴕𐴥𐴡𐴏𐴢 𐴁𐴠𐴐𐴤𐴞 𐴁𐴤𐴝𐴓𐴝 𐴉𐴟𐴖𐴝 𐴀𐴥𐴞𐴃𐴠 𐴁𐴞𐴀𐴞𐴕𐴧𐴝 𐴏𐴥𐴡𐴌𐴠 𐴀𐴟𐴍𐴥𐴞 𐴖𐴡𐴎𐴟 𐴁𐴝𐴕𐴝𐴘 𐴕𐴟𐴖𐴥𐴝𐴏𐴢 𐴉𐴡𐴌𐴥𐴠 ، 𐴕𐴝𐴏𐴃𐴝 𐴒𐴡𐴌𐴥𐴞𐴁𐴝𐴌 𐴀𐴝𐴒𐴡𐴃𐴧𐴟 𐴁𐴤𐴝𐴓𐴝 𐴒𐴡𐴌𐴥𐴞 𐴔𐴟𐴑 𐴀𐴥𐴝𐴃𐴢 𐴊𐴤𐴟𐴖𐴥𐴠 𐴕𐴞𐴎𐴡𐴌 𐴈𐴦𐴡𐴌𐴡𐴌𐴥𐴠 𐴘𐴥𐴡 𐴏𐴥𐴝𐴉𐴢 𐴌𐴝𐴑𐴤𐴠 ، 𐴀𐴥𐴞𐴃𐴝𐴌 𐴑𐴞𐴃𐴝𐴁𐴢 𐴀𐴦𐴡𐴓𐴡𐴌𐴥𐴠 𐴈𐴡𐴕𐴥𐴡 𐴀𐴡𐴑𐴃𐴤𐴡𐴃𐴢 𐴈𐴡𐴏𐴡𐴌𐴝 𐴕𐴡 𐴌𐴝𐴑𐴤𐴠، 𐴀𐴥𐴞𐴃𐴠 𐴕𐴞𐴎𐴡𐴌 𐴒𐴤𐴡𐴌𐴡𐴌𐴠 𐴏𐴥𐴝𐴉𐴢 𐴌𐴝𐴑𐴤𐴠 ، 𐴀𐴥𐴞𐴃𐴠 𐴕𐴞𐴎𐴡𐴌 𐴉𐴡𐴌𐴥𐴝 𐴓𐴠𐴑𐴤𐴝𐴌 𐴏𐴥𐴝𐴔𐴝𐴕 𐴀𐴦𐴡𐴓𐴡𐴌𐴠 𐴁𐴤𐴝𐴓𐴝 𐴒𐴡𐴌𐴥𐴞 𐴌𐴝𐴑𐴤𐴠 ، 𐴀𐴝𐴌 𐴀𐴥𐴞𐴃𐴝𐴌 𐴕𐴞𐴎𐴡𐴌 𐴀𐴥𐴝𐴃𐴡𐴌 𐴕𐴡𐴑 𐴀𐴥𐴡𐴑𐴧𐴡𐴓 𐴉𐴡𐴃𐴧𐴞 𐴇𐴥𐴝𐴉𐴃𐴤𐴝𐴃𐴢 𐴈𐴝𐴍𐴠 ، 𐴀𐴥𐴞𐴃𐴝𐴌 𐴊𐴝𐴃𐴢 𐴏𐴥𐴝𐴉𐴢 𐴀𐴝𐴌 𐴏𐴡𐴔𐴑𐴠 ، 𐴏𐴥𐴝𐴉𐴢 𐴃𐴤𐴝𐴑𐴡𐴕𐴡𐴌 𐴎𐴡𐴌𐴞𐴘𐴝 𐴀𐴥𐴞𐴃𐴝𐴌 𐴏𐴠𐴇𐴥𐴠𐴃𐴢 𐴁𐴠𐴐𐴤𐴞 𐴁𐴤𐴝𐴓𐴝 𐴃𐴤𐴝𐴑𐴠 ، 𐴒𐴤𐴡𐴌𐴒𐴟𐴐𐴧𐴞 𐴁𐴦𐴝𐴊𐴠 𐴉𐴝𐴌𐴝𐴙𐴓𐴧𐴝 𐴄𐴤𐴞𐴛𐴝 𐴘𐴠 𐴀𐴥𐴞𐴃𐴝𐴌𐴠 𐴀𐴝𐴊𐴡𐴌 𐴒𐴡𐴌𐴥𐴠 ، 𐴀𐴟𐴏𐴃𐴝𐴊𐴠 𐴘𐴥𐴡 𐴀𐴥𐴞𐴃𐴝𐴌𐴠 𐴁𐴤𐴝𐴓𐴝 𐴈𐴡𐴀𐴡 ، 𐴕𐴝𐴏𐴃𐴝 𐴒𐴡𐴌𐴥𐴞 𐴁𐴦𐴝𐴊𐴠 𐴔𐴡𐴊𐴡𐴌𐴥𐴡𐴏𐴝𐴃𐴢 𐴎𐴝𐴀𐴝 ، 𐴀𐴥𐴞𐴃𐴠 𐴑𐴤𐴠𐴓𐴝𐴃𐴢 𐴀𐴥𐴡 𐴀𐴠𐴕𐴃𐴝𐴕𐴡𐴃𐴢 𐴀𐴥𐴡 𐴀𐴠𐴑 𐴓𐴡𐴔𐴁𐴤𐴡𐴌 𐴀𐴝𐴕𐴥𐴠 ، 𐴀𐴥𐴞𐴃𐴠 𐴉𐴟𐴀𐴟𐴄𐴢 𐴁𐴡𐴀𐴡𐴓 𐴀𐴥𐴡 𐴁𐴤𐴝𐴓𐴝 𐴒𐴡𐴌𐴥𐴞 𐴑𐴤𐴠𐴓𐴝𐴘 𐴎𐴝𐴕𐴠 ، 𐴀𐴥𐴠𐴃𐴠 𐴔𐴡𐴊𐴡𐴌𐴥𐴡𐴏𐴝𐴃𐴢 𐴈𐴡𐴃𐴤𐴝 𐴈𐴟𐴖𐴝𐴌 𐴎𐴞𐴁𐴧𐴝𐴃𐴡𐴃𐴢 𐴀𐴥𐴡 𐴇𐴥𐴞𐴏𐴧𐴝 𐴓𐴡𐴀𐴡 ، 𐴀𐴝𐴌 𐴁𐴞𐴐𐴤𐴝 𐴁𐴠𐴐𐴤𐴞 𐴁𐴡𐴐𐴧𐴞𐴤𐴐𐴢 𐴀𐴥𐴡𐴑𐴧𐴡𐴓 𐴉𐴝𐴀𐴝𐴱𐴱

𐴀𐴠𐴈𐴓𐴝𐴏𐴥𐴡𐴌𐴠 𐴉𐴝𐴑𐴧𐴝 𐴒𐴡𐴌𐴡𐴥 𐴎𐴝𐴃𐴞𐴌 𐴈𐴦𐴝𐴃𐴠𐴌𐴠 𐴈𐴝𐴔 𐴒𐴡𐴌𐴡𐴥 𐴕𐴞𐴎𐴡𐴌 𐴎𐴟𐴁𐴝𐴕 𐴃𐴡𐴌𐴑𐴞 𐴒𐴡𐴌𐴡𐴥 𐴓𐴠𐴀𐴠𐴋𐴝𐴌 𐴒𐴞𐴌𐴞 𐴏𐴝𐴥𐴌𐴡 𐴉𐴟𐴌𐴝𐴕 𐴈𐴡𐴃𐴤𐴝 𐴉𐴡𐴌𐴝𐴥𐴘 𐴉𐴥𐴠𐴓𐴡 𐴀𐴠𐴃𐴧𐴠𐴉𐴡𐴥𐴑𐴀𐴡𐴥𐴘 𐴈𐴝𐴔 𐴒𐴡𐴌𐴡𐴥 𐴀𐴠𐴈𐴡𐴕 𐴀𐴠𐴑𐴧𐴝𐴤𐴕 𐴈𐴡𐴃𐴤𐴝 𐴔𐴝𐴕𐴥𐴞 𐴏𐴡𐴓𐴡 𐴀𐴥𐴞𐴀𐴞𐴕𐴡𐴌 𐴁𐴝𐴦𐴊𐴠 𐴌𐴟𐴇𐴝𐴙𐴚𐴒𐴙𐴝 𐴑𐴡𐴗𐴔𐴡𐴌 𐴀𐴝𐴎𐴝𐴦𐴊𐴞𐴌 𐴏𐴝𐴁𐴤𐴞 𐴌𐴟𐴇𐴝𐴙𐴚𐴒𐴙𐴝 𐴀𐴠𐴓𐴥𐴡𐴔 𐴁𐴡𐴓𐴞 𐴈𐴡𐴀𐴡𐴌 𐴁𐴦𐴝𐴕𐴞

𐴇𐴥𐴝𐴕𐴞𐴉𐴞 𐴄𐴞𐴀𐴞𐴔 | HANIFI TEAM

Rohingya National Anthem / Tarana

Popular Items

MD Noor Opening Speech at DWeb Camp 2024, California, USA

Preserving Rohingya language & Heritage by MD Noor @Dweb.

Preserving Rohingya Culture: by Muhammad Noor@DWeb

A SHORT HISTORY OF ROHINGYA LANGUAGE

Contact form